HOY TV選秀節目《就是青春》明晚（29日）播出第四集，參賽者將進行第二輪淘汰賽。
大熱參賽者洪韻騏（Wincy）代表所屬隊伍打頭陣，獻唱衛蘭歌曲《穿花蝴蝶》。期間因為上集演出後被網民批評的她，出場前表示沒有信心，她說：「睇到有啲觀眾話我唱得好難聽，因為我一直覺得自己唱歌唔係難聽，所以先參加呢個比賽，但而家聽到有人咁樣講，覺得可能係咪一直冇人同我講，所以希望今次可以再做好啲。」話畢，洪韻騏即爆喊哭成淚人，在旁的歌唱老師聞言表示心痛：「見佢自信愈來愈低落。」
信心受挫的Wincy獻唱完後，「星級樂迷」關心妍指對方演出欠人性化，她說：「覺得你好有技巧，這隻歌亦好難唱，覺得你係拿揑到嘅，但希望可以表演可以人性化多啲。你未俾到這隻歌嘅意思同故事俾我，我覺得你可以再放啲，比返多啲人性嘅感覺。」不過陳柏宇就不同意關心妍說法：「唔認同人性唔人性，唔太明白，反而覺得首歌嘅大細聲、高低音設計得好好。」
此外，由張鈊貽（VALC）、陳心余（Wuba）、劉庭君（Midori）以「女團」形式上陣跳唱羅志祥歌曲《撐腰》，以全新曲風演繹，三人又跳又唱，感染至場外觀賽的參賽者。三人表演後大獲好評，場外的曾樂彤即對鏡頭直指更感動到大喊：「就算無投票，（喺我心目中）贏咗喇，贏晒！」葉巧琳亦大讚：「好睇、好齊、和音準！」陳柏宇則於現場大讚：「正呀！好過癮！總之好好睇，真係無乜嘢想挑剔。」
