Advertisement

小肥唱《觸景傷城》喊到開水喉 自爆作歌俾陳柏宇被彈回頭

本地
2022.09.16
撰文:吳迦攝影:伍敏慧

whatsapp-image-2022-09-16-at-2-19-23-pm-11

小肥一連兩晚的《 MODERN CLASSIC 2010-2020:「撐」小肥演唱會》在昨晚尾場,演唱會甫開始小肥已唱盡金曲,《時光機》、《內外》、《高登歌》迅間炒熱氣氛,隨後在第二部份演唱會以音樂劇的形式進行,廖子妤(Fish)加入演繹獨白部份,小肥唱到入心、來自全新專輯《Siufay Modern Classic 2010 – 2020》的《假使世界如何不像你預期》、《嗚》、《年少無知》及《幸福之歌》等,在台上小肥感性地分享了出櫃後的內心轉變,唱到觸動心靈之處又淚流滿面。

whatsapp-image-2022-09-15-at-9-08-46-pm

第三部份小肥唱出《觸景傷城》時,他如開水喉一樣邊唱邊喊,一唱完用紙巾拭乾眼淚時,台下觀眾紛紛大嗌「撐小肥」的聲音此起彼落,他有感而發道:「好多謝小明(方皓玟)嘅曲,6號(RubberBand)同Tim Lui嘅詞,『當一切回歸安定』呢一句歌詞好觸動到依家嘅我。入行到而家好多風風雨雨,例如簽親嘅公司都會大震動,人生又經歷好多唔同問題,但又好多人令到我好感動,所以當一切回歸安定,我又重新適應。希望大家都頂住,你哋撐我時,我都撐你哋。」然後小肥隨即獻唱《寵物》,而本來只在前段與小肥合唱《羅生門》的Jason,被小肥召喚上台,二人即High爆合唱,掀起了全晚的高潮,而演唱會最後在小肥Encore《廢柴》一曲後便圓滿結束。

whatsapp-image-2022-09-15-at-11-22-25-pm

Show後小肥評價自己兩場的演出只值85分,因為頭場表現失準,而昨晚在台上哭起來,他解釋是現場氣氛所致,他說:「第一場係整喊啲人,今場喊咗係因為內容同氣氛,先忍唔住。」他又表示Show前Show後心情差天共地,說:「之前好緊張,喉嚨有啲唔舒服,都有少少驚會病。以往我好夜瞓,但近排又唔敢唔瞓,又要背歌詞,依家心情好鬆,乜都唔使理,最想去打邊爐。」

whatsapp-image-2022-09-16-at-2-19-23-pm-1

至於兩位嘉賓,他特別感謝Fish,並道:「原本想實現返NFT嘅聲音導航,本身由韋羅莎錄製以及現場演繹,但佢唔得閒,好彩廖子妤仗義相助幫拖,佢一路話自己聲帶唔夠好,演出前不斷練習,但其實已經好好,出嚟效果好滿意,真係好多謝佢嘅幫助,爭佢好多餐飯,多謝你呀Fish!」至於Jason在唱《寵物》時一上台即搶咪,他即大爆對方其實綵排時將場館當K房唱過不停,所以才會請他一同上台讓對方過足癮,問到二人老友鬼鬼日後可會再次合作?他即說:「之前我作咗首歌俾佢,佢唔要囉!」完成兩場個唱,被問到明年可有機會添食,小肥即道:「希望啦!我都想,今次開完騷要求變,俾個目標自己,希望成事!」

whatsapp-image-2022-09-16-at-2-19-23-pm-8

 

 

姜濤 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹