黎諾懿細仔小冬牛日前滿三個月,大仔小春雞急不及待盡哥哥責任,幫手湊細佬,老竇黎諾懿於社交平台上載片段,見到小春雞一隻手玩手機,而另一隻手就抱住小冬牛,黎諾懿問小春雞:「你喺到做咩?你喺到湊仔呀?但點解細佬咁嘅樣?」
小春雞全程當耳邊風,無理佢, 繼續玩手機,但手抱的小冬牛似乎覺得哥哥抱得不太舒服,用拳頭仔輕打哥哥塊面,之後爆喊求救,但小春雞仍然你有你喊,我有我玩手機,激到老竇黎諾懿於片尾都專登整個惡魔公仔俾佢。
部分圖片來源:黎諾懿、李潔瑩@Instagram