陳嘉桓（Rose）日前現身中環為口罩公司進行直播活動，期間發現不少新防疫產品，Rose笑言將大手入貨做聖誕禮物：「送防疫用品咪幾好囉，起碼又靚又實用，唔會交換完就擺埋一邊，今年聖誕節會同家人一齊過。」問到聖誕節會否約緋聞男友黃宗澤（Bosco），Rose表示：「依家第四波疫情唔敢周圍走，其他人少見為妙，同啲唔係咁熟嘅人都係咪交流太多喇！」她又指未考慮為Bosco買聖誕禮物，「哎呀，我揀聖誕禮物都係比家人同親密啲嘅朋友先嘅！（將佢降級到普通朋友？）疫情下大家各有各忙，聖誕節咪陪屋企人囉。」
受疫情影響，Rose的皮紋分析課堂亦受影響，更不時做足防疫措施保護自己，「依家要改做Zoom上堂囉，如果要見小班教學、見客就要做足啲防疫措施，咁大家都安心。呢排做Live嘅時間多咗，發現自己口才都有進步！初出道大家當我係『小師妹』，企埋一邊唔多講嘢，依家講足半個鍾都可以冇停口，希望大家都感受到我嘅努力。」
