容祖兒（Joey）一連八場澳門演唱會《Eternity 容祖兒演唱會》今晚完滿結束，Joey坦言非常不捨得一班觀眾，不過今年Joey七月將於香港開騷，很快又可以再跟大家見面。
Joey在台上表示：「冇諗過三年隔咁內先可以大家，呢三年來經驗教左我好多好多，好重要一點，要活在當下，所以我地要好好珍惜當下，有幾大聲叫幾大聲，珍惜今日緣份！好開心四月有咁個周未，都可以同大家渡過，每個星期六日都同大家一齊真係好難忘。」為這次演出，她又特別再練多首鋼琴自彈自唱了周杰倫為她作曲的《小小》，Joey謂鋼琴現在識彈兩首，回港後再考慮下是不是再學多首，又問大家最想她學彈邊首新歌，下次演出時可以彈給大家聽。
演唱會來到尾聲，Joey親切跟觀眾打招呼，有求必應，有觀眾送上電話叫她合照，有小妹妹觀眾見祖兒跳到滿頭大汗為她送上紙巾，Joey抹汗後不停讚對方乖，再搞笑把抹過汗的紙巾假裝歸還，繼而即收番，笑道：「唔好要呀！我講笑咋。依家都重係要小心保護….」Joey又坦言自己是一個典形的雙子座，非常神經質，台上的她打扮似好有形，但事實私下生活的她又好神經病，「人生有好多不同狀態，真係要好親好接近我d朋友先知道，哈哈。」
昨晚Twins阿Sa、阿嬌、關智斌及楊太等都有過澳門捧場，Joey笑言：「你哋咪成日望上去睇佢哋啦，哈哈，想睇佢哋出年年頭啦！」觀眾即大聲歡呼！而於安歌環節，笑言三個最好的朋友來了，「佢哋唱K，最鐘意點我呢首歌，尤其鐘意用『子喉』來唱，為咗多謝佢哋來支持我，今晚安歌第一首歌就唱《心淡》送俾佢哋！」
Joey表示，回港後就馬上為七月香港的演出作籌備工作，影演唱會海報、開會揀歌排舞等，過來會非常忙碌，但忙碌之中又感到很興奮。自她宣布即將開騷後，不少工作人員電話已被打爆，瘋狂查詢何時可以購票，祖兒笑道：「哎也⋯⋯我都唔知，等公司安排好先，相信好快，大家再等等。」