容祖兒自7月起在演藝學院舉行34場個唱，她今日（17日）在社交網上載昨晚演出突然飛咪短片。祖兒先自揭平時有多論盡：「唔好睇我喺台上咁醒目，其實一直以來我有個花名叫da la di la，做什麼都倫倫（論論）盡盡，斟水飲會倒瀉水，攞乜都會掉在地上，食飯嘅時候俾我阿媽話下巴係咪穿窿，啲朋友話跟住我尾一定會執到寶。」
然後進入正題：「正所謂要發生，始終發生。琴晚encore時分我終於將成枝咪凌空飛落地下嘅滋味，望住佢由高處拋物線跌落地下嗰一個瞬間，成個畫面同攞錯顏色購物袋一樣咁surreal（超現實的），當時我嘅心臟足足停止跳動左（咗）2秒，好彩無扑穿第一行朋友個頭，佢仲好醒目仔咁即刻俾返我，成件事好rock，鬼叫大家咁high，High到我枝咪stage diving（舞台跳水），在我身上，真係Nothing is impossible（冇嘢不可能）。」她更自爆：「其實唔係第一次！」
網民笑指：「唔穿支咪係點解會咁樣飛出去嘅」、「呢個係魔術表演？點解支咪自己識飛？」、「反覆又反覆睇咗N遍，都唔知你個咪點解會飛走咗，咁厲害嘅」；更有心水清指：「2005年第一次丫嘛」，祖兒回覆讚「好嘢」！
