出道十二年,Gin決定踏出一直以來的舒適圈,問到簽約新公司的契機,她表示接觸過幾間不同的公司,在整個過程中,覺得新公司誠意十足,同時亦跟自己的理念一致,「我覺得最重要係大家方向同理念一致,接觸過咁多間公司,EEG同我嘅方向最接近。方向好清晰,大家有共識未來嘅方向。」
Gin又說,自由度高亦是她簽約的原因之一,「新公司俾好大好大嘅自由度我,特別係音樂、形象上面,完全係100%信任我,令我覺得好舒服。另外,亦都可以同好多唔同嘅音樂單位合作,好有新衝擊。好似我首新歌,終於等到時機可以同Wyman合作。大家嚟緊可以留意我新歌、形象,都會有好大嘅轉變。」
她又說雖然加入公司只是一段短時間,但已感覺到無論是藝人還是同事,已經像大家庭一樣。問到最想跟公司哪一位藝人合作,她坦言希望可以跟公司不同的藝人合作,「無論喺音樂上定係電影上,而且好多歌手都認識咗好多年,一直都冇機會合作,所以希望嚟緊同大家有多啲交流。」