官恩娜（Ella）自2016年與法籍老公Juan-Domingo Maurellet結婚並誕下一仔一女後淡出娛樂圈，繼早前「拋夫棄子」獨遊布拉格後，近日她似乎又再獨自到西藏旅遊。
Ella在社交網分享西藏旅拍，花了¥299包化妝與一套藏服，照片中的她與西藏風景超靚，但她卻指攝影師執相太重手害她變蠟像，留言：「嚟到西藏主要係想睇吓啲仙境神山，不過我真係忍唔住做咗件不能再遊客嘅遊客事…就係西藏旅拍！¥299人民幣包化妝同一套藏服。
「想講個攝影師執相都幾重手吓，我問佢可唔可以俾返張原圖我，等我有返啲毛孔，唔好成個蠟像咁。佢同我講啲相係相機直出，我話相機直出有美顏？唔係呀嗎？！佢答我…是的！」
雖然Ella嫌執相太厲害，浪費她用心擺甫士，但仍獲網民大讚「啲相好靚，好靚女」、「靚到不得了」，好友謝安琪、蔡卓妍（阿Sa）等也力撐「都係靚」。
Ella又表示：「跟住我想喺布達拉宮去大昭寺嘅時候，發現自己個微信short咗call唔到Di Di，的士又唔車我，所以就……去片！」她上載了坐黃包車及與車伕對話搞笑片段。
