許志安早前跟隨未因聽覺出現問題而放棄跳街舞的導師Jason，學習跳手語版《流淚行勝利道》，並與一班同樣熱愛跳舞的聾人，一起拍攝手語MV。
開拍當晚可謂一波三折，在各種因素下要不斷轉換拍攝場地，最終只能在一條暗黑兼爛地的後巷開機，誰知第一個鏡頭便下雨，雨勢甚至愈落愈大，不過反而令這個MV拍出不一樣的效果。「拍完呢個MV感覺好興奮、好感動，尤其係突然間落起大雨，好有feel，觀眾一定以為我哋好落本，book架水車搞人造雨，其實唔係，同埋原本去球場拍、後來轉地方又俾人趕，直到嚟到呢條後巷，雖然周圍環境唔係太理想，但我哋真心嘅演繹，我相信大家會睇得到。」安仔說。
安仔希望這個手語版MV，可以燃起大家永不言棄的精神，像跳舞導師Jason般，用眼去睇拍子，一樣可以學到跳舞。「今日用個口講嘅嘢好少，但內心感受特別大，另外仲學咗好多手語，除咗《流淚行勝利道》嘅歌詞，仲有自我介紹、打招呼、讚人靚仔靚女，其實共融就係咁，無論你身份係邊個，身體有什麼狀況，大家都可以和平共處，無分你我。」安仔說。