無綫都會愛情劇《婚後事》將於本月26日開播，劇集以探討愛情及婚姻中各種爭議性話題為重心，由六個不同主角以各自的視點，為大家揭開故事不同面貌及真相。6位主角羅子溢、陳自瑤、王敏奕、羅天宇、黎諾懿及賴慰玲，錯綜複雜地爆發出五角關係。
其實該劇自開拍以來一直備受關注，除了因為是陳自瑤Yoyo首度升呢女一之作，更盛傳劇中有不少突破傳統電視尺度的親熱戲。不過官方今日發布的宣傳照中，暫未見任何刺激官能場面，焦點反而落在一眾男、女主角的角力戲及爆喊場口。Yoyo受訪時坦言，今次劇本相當揪心，單看文字描述已足夠她「喊濕」數盒紙巾，正式拍攝時更是試過一日之內由頭喊到落尾；有時為了遷就拍攝場地，Yoyo又試過一日轉妝三至四次，由廿幾歲至接近五十歲的造型都有，絕對是演技、體力及速度大挑戰。
Yoyo憶述拍攝時的「苦況」亦忍不住笑言：「返到屋企真係攰到唔識郁，日日係咁喊、係咁鬧、係咁化妝變裝，唔單只唔夠瞓，忙起上嚟仲可能真係每餐只扒兩、三啖飯就埋位。不過其實幾辛苦都值得，一來劇本我好鍾意，二來今次係自《缺宅男女》後再同羅子溢合作，大家經驗多咗，又一樣俾劇本感動到不得了，所以合作起上嚟好有火花，撞到好多嘢出嚟、好好玩。」