2018年度大片《復仇者聯盟3》在本周三（4月25日）上映，唔少藝人都被邀請觀賞媒體場。當中，無綫小生袁偉豪（Benjamin）亦有幸觀賞為行內人安排的特別場次。作為超級英雄粉絲的Benjamin知道有得睇戲當然開心到飛起，但點估到呢短短160分鐘入面會因為一包墨西哥脆片幾乎令佢被網民公審。慶幸Benjamin做了一個良好示範，大大方方表示歉意，這次他不但贏了粉絲掌聲，同時宣傳新劇《棟仁的時光》，還阻止了一場災難發生，實在是三贏局面。
民以食為天，愛食是人類的天性，而睇戲食爆谷小食，就如白酒配白肉般平常，所以「薯片先生」入場食墨西哥脆片係表面上完全冇錯。筆者亦明白唔少人會視呢種脆卜卜嘅快感係睇電影嘅樂趣，但當呢種個人快感嚴重影響到身邊觀眾，就係一種自私嘅行為，若加上理直氣壯鬧勸喻佢嘅人，就簡直係不可理喻。
袁偉豪原文
睇番Benjamin喺Facebook上面打嘅千字文，用字斯文，沒有半個粗俗字眼（除了節錄薯片先生朋友對話外），從中可窺看到Benjamin個人修為應該不錯，大大加強了他是有禮貌地說出：「唔好意思，可否細聲一點？」的可信性。同一時間，電台DJ阿檸發文的描述亦再次加強袁偉豪所說的可信性。看來，即使薯片先生沒有錯，他身邊的朋友在事件上都有一定責任。（Anyway，物以類聚，你是什麼人，通常身邊的便是什麼人。）
禍，闖出來了，筆者大抵明白幾位當事人為何會生氣，但說到這裹不是要追究哪位要負最大責任，而是希望談兩句入場睇電影的基本禮貌。除滿足口腹之欲，大部份人入場睇戲都是求視覺、聽覺快感，所以都不希望聽到其他雜聲，例如交談聲、咀嚼聲、小孩子尖叫聲等，而眼睛當然最不想受到智能電話熒幕的強光影響。所以各位讀者下次入場前還是乖乖把電話調至靜音模式，吃小食時儘量減少咀嚼聲，或考慮接受網民建議，在重拳一刻才爽快咬下去。至於要談論劇情，懂得自制的成年人則等到完場之後吧。
最後，請不要忘記大家都是真金白銀購票入場支持的（或是受片商邀請看特別場次），入場睇電影懂得尊重別人、尊重自己是基本禮儀。始終行內圈子這樣「小」，為了一件小事損害個人形象，是多麼不值得。
「薯片先生」原文
DJ阿檸原文
圖/互聯網