「最強新人」姜濤出道一年多吸引了無數粉絲，適逢今日（30日）是姜濤的21歲牛一，「姜糖」們雖未能開派對為偶像慶祝，但仍豪花6位數字，在銅鑼灣多處位置賣廣告，向姜B送上生日祝福。
在生日這天，姜濤推出第4首個人單曲《蒙著嘴說愛你》，希望為香港人帶來正能量，「歌詞鼓勵大家即使戴口罩都可將想講的講出來，最想表達遇到甚麼困難都應該堅持落去，冇咩係解決唔到，包括呢個疫情。」
在疫情下，新歌MV亦有特別的拍攝方法，經理人花姐請到師傅、林嘉欣老公袁劍偉MV為執導，組合ERROR成員梁業（肥仔）負責編舞，MIRROR隊友Lokman、AK、Anson Lo及Edan亦拍硬檔客串。姜濤說：「呢首歌係關乎所有人，所以想多啲人參與，但MIRROR有12個人，疫情下唔想太多人聚集，所以搵咗幾位成員一齊拍。」
說到生日願望，姜濤期盼疫情盡快過去，「呢個都算係自私嘅願望，因為疫情好返，有好多工作計劃就可以繼續進行。」