無綫劇集《寵愛Pet Pet》昨晚（14日）一集，講述金惠婷Paula（林夏薇飾）和汪聲仁（周嘉洛飾）因Paula爸爸金青松（姜大衞John哥飾）的關係，兩人被迫扮拍拖。青松一度誤會阿仁是鹹濕仔，又懷疑阿仁一腳踏兩船，後來發現阿仁其實只是為婆婆（程可為飾）慶生。原來阿仁身世十分可憐，阿爸死得早阿媽又爛賭，年幼時幸得到隔籬屋婆婆照顧，兩個無血緣的人自此相依為命；現在婆婆患了腦退化，阿仁亦承擔起照顧她的責任，情節感人。
John哥戲裏戲外同樣生鬼，更大讚嘉洛：「佢諗嘢幾快，我哋有時傾呢度加啲、呢度減啲，佢即刻就收到。佢個樣睇落好似好蠢，其實好鬼醒，但都係同我差好遠！」嘉洛受訪時則坦言很開心能與John哥合作：「正式開工時真係獲益良多。」提到其中一個場口要打John哥心口，他笑言：「John哥係專業動作演員，我對佢好有信心！」