姜大衛、姜卓文昨晚（25日）為電影《臨時劫案》謝票，對於票房達1500萬，姜大衛仍未滿意，他說：「爭啲啦，希望多啲觀眾入場觀看，香港電影真係唔錯。」問到參演這部電影是否兒子帶挈？姜大衛說：「係呀，導演屈我，搵個仔先，跟住叫我客串，為咗個仔冇辦法啦，以前啲戲都冇講粗口，我平時都唔講粗口，講完會面紅。」談到兒子在戲中表現，他說：「可以講OK，當然仲有進步空間，佢第一次演出咁重要角色，唔容易嘅，都會有壓力。」
姜大衛太太李琳琳參演的電影《從今以後》再下一城，榮獲柏林影展全景單元觀眾獎第3位，姜大衛說：「佢可以參與當然好開心，好難得，都息影30幾年，忽然接到呢部戲，我尊重佢，復唔復出佢自己決定，不過我哋都希望佢復出，呢一行冇得退休，個癮永遠喺度。」姜卓文表示想與媽媽合作拍戲，他說：「係一個好寶貴回憶，要珍惜同父母一齊時間，有得拍套戲紀念梗係完美。」