《東張西望》主持吳幸美，參與聲演真人騷《好聲好戲2》第二輪比賽，憑聲演《棟篤神探》蔡少芬落口供戲先聲奪人，由於幸美的線聲極度神似蔡少芬，令各評判均懷疑是否本尊親臨現場，主席評判汪明荃（阿姐）、金牌監製文偉鴻及聲演《多啦A夢》「靜香」的資深配音員梁少霞都讚好，阿姐更謂：「感覺係直情係蔡少芬，好入戲。」
「聲」贏一仗的吳幸美，在首回合繼續有出色的發揮，她挑戰高難度聲演李佳芯在《智能愛人》一段「真人／機械人」Mode切換的戲分，更要在短時間內演繹出「喜怒哀樂」四種情感，雖然難度系數十分高，但幸美依然應付自如，更獲得11盞綠燈滿分。文偉鴻大讚她：「揀片揀得好聰明，呢條片係將你所有強項發揮晒出嚟，情緒處理得好好。」對於幸美的神級演出，阿姐好奇問：「你練咗幾耐？」幸美笑言：「日練夜練呀，《東張》有時要影老鼠、曱甴，我捉老鼠又練，掃曱甴又練！」梁少霞亦笑指幸美被老鼠和曱甴耽誤了配音工作。
樊亦敏一開始大曬卡通腔、一人分飾兩魚，調皮地演繹《成語動畫廊》故事，獲各評判大讚，可惜正式開始比賽，她卻未能承接開場時的優勢，在首回合聲演李司棋在《山水有相逢》爆Seed鬧人戲時大失水準，出現不少𦧲脷情況。
兩位男將黃智賢與黃嘉樂，前者在首回合挑戰聲演《律政強人》離婚爭吵場口，該場口情緒波變化比較大、難度頗高，黃智賢表現可圈可點，阿姐說：「我係Between綠燈同紅燈之間，前半嘅情緒好似唔係好夠，但你爆發時又爆得幾好。」黃嘉樂則聲演《他來自江湖》周星馳的搞笑場口，惟他被批感情欠奉兼咬字有問題。
第二回合「技巧聲演」環節笑料十足，黃嘉樂和黃智賢挑戰聲演《上海灘》周潤發被槍殺一幕，對白更只有「啊」一個字，雖然兩人配音時七情上面及極力擺動身體，但出來的效果卻十分滑稽。兩女將則聲演黃翠如在《那些我愛過的人》「生B」場口。
綜合兩個回合成績，吳幸美奪得8票暫時領先，排第一，樊亦敏則「零雞蛋」包尾。