太極將於8月7及8日假紅館舉行「Rainbow after Rain」演唱會，門票亦於昨日（23/06）公開發售，早前各成員拍攝海報，換上西裝造型，予人煥然一新的感覺，他們卻有點不太習慣，雷有輝（Patrick）更「爆」出瘀事，皆因衣服的剪裁太貼身，竟突然「爆呔」要工作人員幫忙「補褲」，非常尷尬，笑說：「我執嘢時就聽到一吓聲，就知道出事啦！」他希望開騷時穿得帥氣一點，唱兩三首歌，但預計鼓手朱翰博（Ricky）會打到爆晒衫。
鄧建明坦言看不慣兄弟的斯文造型，感謝造型師把他們打造得如斯帥氣，表示：「因為今次搵咗黎明御用造型師幫手，所以大家都Sharp晒，我唔敢講係『黎明Look』，我只係黎明身邊飛過嘅一隻小雀仔！今次宣傳片都好勁，用埋特技去製作，將我地啲樣變老曬，總之就係負責彈琴就得㗎嘢。」Ricky感覺自己如保險經紀，原本他穿着Patrick那款西裝，但認為跟自己不太合襯，沒有對方帥氣，所以甘願讓給他穿，「一場兄弟就讓俾佢啦！」
另外，已故成員唐奕聰（Gary Tong）也「現身」海報中，各人得以聚首，Gary曾預測演唱會舉行時，疫情將會過去，呼籲歌迷準備寫上心意卡表達愛意。
