林盛斌（Bob）因疫情關係，不少工作都暫停或延遲，現時多了時間陪伴家人。而身為玄學家的Bob嫂黃乙頤（Pearl）卻密密開工，為客人算命，但Pearl昨日（15日）卻在IG表示落樓梯時不慎跌到，結果令韌帶斷了。
Pearl寫道：「星期日晚深夜我做了一件震驚幾百萬人的事。落樓梯都可以差錯腳然後韌帶斷了！腳進化成鐵甲威龍模式，人進化成坐月模式。」
但神婆Pearl卻笑說第一時間沒理會傷勢，而是為自己占卜，「因為已經係深夜所以諗住第二朝至睇醫生，所以當我爬返上床之後 1. 叫工人攞精油嚟俾我搽 2. 分別cap低當時嘅時辰同埋占星圖，打算日後研究吓，而唔係諗自己隻腳有冇斷到，我覺得我都好痴線。」
阿Bob亦發文代太太報平安，「拗柴，斷咗一條韌帶，另一條有少少裂，好彩冇斷骨，不過腫到爆，要休息一排，即係呢期我冇得食軟飯嘞⋯⋯多謝各位嘅關心問候，有兩個型男陪佢瞓。佢會好快好返，好欣賞佢仍然保持開心樂觀正能量！」
Pearl學貫中西玄學，精通風水、紫微斗數、奇門遁甲占卜以及通靈、塔羅外，還出售自家製的靈氣香皂。
圖片來源：林盛斌、黃乙頤@Instagram