林建明（大姐明）繼1994年《今日睇真D》後，為「歡樂今宵之父」蔡和平策劃的全新直播飲食節目、賣貨平台《好滋味》再度主持直播節目。
姜卓文兩歲時在家跟爸媽（姜大衛和李琳琳） 一起接受大明姐的節目訪問，期間明姐已十分喜歡童時活潑好動的 John，沒想到相隔25年，會與長大後的姜卓文（John）合作。
大姐明直言視蔡和平先生為偶像，所以今次的邀請，沒什麼考慮就答應佢：「蔡生構思呢個節目好有趣，結合左以前《歡樂今宵》同《今日睇真 D》嘅元素，會發放好多有用資訊俾觀眾，同時又有依家最興嘅直播賣貨，相信個節目效果會好好玩，帶俾觀眾正能量同埋好多靚貨！」
對於挑選拍檔，大姐明說：「我覺得新節目需要一位年輕主持，加入年輕人嘅角度去分享，於是就諗起卓文，叫埋Join一 齊玩！」而長大了再次與大姐明合作的John表示自己是嘴刁之人，亦喜歡下廚，有這個機會主持飲食節目品嘗到不同優質食物，並能推介給觀眾，是一個新嘗試，他說：「今次係難得機會同大姐明呢位前輩合作，因為入行後都嘗試過不同演出，例如唱歌、拍劇、演舞台劇等等，但直播節目就未試過，好新鮮想試，所以大姐明邀請我就立即答應做主持。」