ViuTV《大叔的愛》開播後引起網民熱烈討論，唔少觀眾大讚集集由頭笑到尾，其中MIRROR成員呂爵安（Edan）喺劇入面嘅搞怪表情更係一大看點。
《大叔的愛》最新一集講述呂爵安（Edan）飾演嘅阿田知道上司KK（黃德斌 飾）偷食對象叫「Tina」，之後誤以為對方係為咗掩飾偷情先同佢表白，點知其實係KK老婆Francesca（簡慕華 飾）聽錯「田呀」做「Tina」。之後阿田發夢同Francesca及爆料同事Carmen，化身修女狂鞭同大鬧Tina「可恥！」
Edan噚日喺Instagram upload咗段幕後花絮同三人合照，話拍「修女三人組」呢幕笑到想死，更自爆自己拍到太興奮搞到走光：「呢Take唔小心勾到條裙，Feel到下半身突然涼一涼我就知咩事了」令佢即刻好想笑。
Edan係合照入面更撩起長裙影相大晒「美腿」，講笑話自己嘅偶像包袱要去外太空先執得返。
圖片來源：ViuTV、呂爵安＠Instagram