因為愛情｜入行前做過playgroup導師 連詩雅望生夠2個最完美

Shiga主持的新節目已開播。

連詩雅（Shiga）主持的新節目《因為愛情》前晚（26日）首播，Shiga自言在每位嘉賓身上找到最大共通點，就是既能經歷患難，亦能一起成長及互相包容。

其中一個愛情個案，是夫婦Ashley和Quentin育有三胞胎囡囡，正如Quentin話齋，三位囡囡「淨係飲杯水，都冇咗半小時」，可想而知「兩人三B」所需花費的精力及時間。今晚Shiga將化身愛神兼客串做保母，更會幫Quentin齊齊炮製驚喜浪漫，讓兩夫婦返回久違了的二人世界，重拾戀愛初心。

Shiga見證12個共度患難不離不棄的愛情故事。

原來Shiga入行前曾任職playgroup導師，所以湊起小朋友駕輕就熟。Shiga事後受訪，自爆是一名憧憬家庭生活的人，少時候曾想過要生夠4名孩子︰「不過依家人大咗感覺會唔同咗，就覺得隨緣，畢竟呢個係天賜嘅禮物，都係講緣份，不過如果完美嘅話就最好有兩個。」

湊小朋友冇難度。