無綫節目《回家》今明兩晚播出的兩集嘉賓，分別為黎諾懿及前環境局局長黃錦星，二人分別在屯門友愛邨及慈雲山沙田坳邨長大。為了好好將昔日的成長點滴，及簡單而又珍貴的屋邨情懷好好承傳，諾懿帶同囝囝「小春雞」黎峰睿舊地重遊，二人先走訪與舊居間格相約的屋邨單位，諾懿更在製作組協助下，與「小春雞」重溫昔日家居擺設及生活細節。
諾㦤透露小時候曾經歷過制水時間，並笑着分享自己的「運水絕技」：「當年我跑落街裝水，由樓下搬上樓可以一滴水都唔瀉。」神奇程度讓「小春雞」聽得瞪大雙眼。二人又拿着諾懿兒時最愛的玩具「父子鬥」，成為兒子手下敗將的諾懿，被迫要吃兒子「落重手」炮製的粗粒花生醬麵包，對粗粒花生醬有極大童年陰影的諾懿，更自揭陰影背後爆笑原因。
之後諾懿再帶囝囝走訪小時候經常流連的「辦館」，並指「辦館」是小時候「夢想勝地」，靠着每次盛惠五毛錢的「抽啷啷」遊戲，為自己送上小希望。諾懿跟囝囝說：「爸爸細個好鍾意抽呢啲（啷啷），因為爸爸細個窮啲，有時用五毫子買個機會，希望抽到大獎。細個就係咁簡單，希望買份小禮物氹自己開心。」
談到友愛邨，諾懿坦言最難忘是那份濃濃的鄰里情：「嗰時鄰里之間好有愛，以前啲人唔閂門，一嗌就係『黎太個仔你出嚟玩啦？』，差唔多成棟樓都識晒。大個咗先知道，原來細個覺得好平常嘅嘢，係咁難得咁珍貴。」並謂希望「小春雞」透過是次體驗，能學會分享愛及人與人之間互動的重要性：「我哋盡量都控制唔俾佢玩咁多線上遊戲，因為我哋覺得小朋友要同人接觸。」
諾懿還到當年讀書的小學走了一轉，更因製作組悉心安排獲得兩大驚喜。首先諾懿在班房與小學時的好朋友重逢，對方除了為他重建「小學友情網」，更大爆諾懿小時候是「萬人迷」，不少女同學均在背後盛讚他靚仔，令諾懿大感搲頭；另一驚喜是小時候因為搬家近乎遺失了所有童年照的諾懿，因為是次旅程尋回不少昔日珍貴照片。
