林溥來（Patrick Sir）與太太關宛珊的兒子林若嘉Preemo「洋蔥頭」，轉眼間已經一歲半大，洋蔥頭精靈活潑，樣子肥嘟嘟非常可愛，是爸爸媽媽的開心果。Patrick Sir今日在社交網上傳了一條長達五分鐘的影片，他表示雖然沒與為兒子慶祝，卻整合了多段一家三口的珍貴片段作為紀念。
Patrick Sir寫道：「係喎！原來幾日前Preemo已經1歲半生日喇！Dadidi竟然唔記得同你慶祝添，咁唯有等我精心炮製一條《洋蔥頭歲半大搞笑特輯》送俾你啦！ 雖然條片有成299秒長，但係你知唔知我剪得幾辛苦？因為你嘅可愛畫面實在太多，真係全部都想擺晒落去！一路剪個腦一路有好多詞語彈出嚟，『搞笑』嘅次數最多，其次仲有『古靈精怪』、『樂天』、『愛笑』、『好動』、『好奇』、『大膽』、『有創意』、『咁都得』、『扭計(識)』、『肉緊王』、『咩都有興趣』、『估你唔到』、『傻豬仔』、『冇時停』、『為食』、『你真係好鬼得意』、『Love you !』『豬肉佬』同埋『好鬼大力嘅豬肉佬』。只係過咗18個月已經咁精彩，你話我嚟緊部電話嘅memory點夠用？』」Patrick Sir又指：「包保你一定由頭睇到尾兼睇完心情愉快。」
