吳君如日前在ig story分享一眾電影人與奧斯卡金像影后楊紫瓊在港的飯敘照，其中有一張是她與周潤發合照，更笑言：「非行山合照」。話口未完，君如昨日就分享了與發哥跑山的幾條片段。
君如在第1條片段中說：「我今日好似平日咁去行吓山、跑吓步，但係我依家心情好緊張，個心卜卜跳，我驚我今日應付唔到呢場挑戰，點解？」君如稱這天約了位跑步高手，怕自己跟不上對方。
然後第2條片，君如拍住一位正在馬路邊跑步的銀髮男士背影，配以文字，「步法輕盈又有力，背影瀟灑又實幹，堪稱行山跑步界王者。究竟係邊個？」第3條片配文，「呢個短髮silver fox，睇佢後面都知係邊個啦！」君如還在片中說︰「知唔知我好緊張，後面嗰個係聞名不如見面嘅跑步王，你估佢係邊個？」說畢對方剛巧轉身，終於公開這位銀髮男正是發哥，剪了一頭超短銀髮的發哥非常搶鏡。到第4條片，君如跟住發哥跑，但邊跑邊整蠱做怪，並寫上：「我終於夠膽跟發哥跑步」。