周殷廷（Yan Ting）5月中將於九展舉行首個個人演唱會外，YT今天公布一個重磅消息，他將首次執導電影作品。電影將以香港奇案「雨夜屠夫」林過雲的故事為主題。YT說：「這部電影籌備多年，2018至19年我冇得唱歌，遇上監製陳穎倫。佢話有睇晒我嘅作品，問我係咪想拍電影？話如果想就一齊去做呢件事。我哋花咗好多年，唔知幾多晚通宵，寫咗《雨夜之徒》嘅劇本出嚟。」
不過YT強調不是翻拍以前的案件，而是一個全新開創的故事：「講嘅係如果呢單案發生喺今天又會點呢？暫時唔可以透露太多，但肯定會帶俾大家好大嘅衝擊。」YT表示從小到大，連修讀電影時，也是對心理學、犯罪片及懸疑片有很強的興趣，一直都覺得自己的電影語言也會是這個方向。一直很想拍香港劇情片的他，很開心達成這件事。
YT為了專心當導演，不會自導自演，演員陣容暫時要賣關子，但可透露是很重份量的演員，他都很期待。連「Man姐」佘詩曼都在監製陳穎倫的Instagram留言大讚《雨夜之徒》，指「好耐未睇過咁正的劇本！」睇過劇本？莫非阿佘有份參予？做女主角？