MIRROR成員呂爵安（Edan）上星期迎來27歲生日，除了在演唱會上獲得歌迷大合唱生日歌外，昨晚（28日）Edan妹妹呂蕙如（小如豬）在IG貼上自己製作的四款Sticker，送給哥哥Edan做生日禮物，包括：「咁細個已經沉迷打機」、「扮嘢我最叻」、「係咪搶咗我支飲管」和「好重啊咁大個頭」，四款圖案是由兩兄妹兒時照片組成，十分可愛！
小如豬寫上：「劣質創作for late birthday post，點解又係舊相，我哋啲自拍真係太樣衰，其實由細到大都冇點變過（唔係個樣係啲行為）繼續健康快樂，唔好再病啦！」Edan轉發了小如豬的帖文，寫上︰「我妹豬細個真係Q到傻」、「點解可以咁得意」。
不少網民大讚兩兄妹都好可愛，「兩兄妹好可愛好sweet啊」、「小如豬同小爵安都好得意」、「哥哥實開心到唔洗瞓」、「有妹萬事足」。
相片來源︰呂蕙如@Instagram，呂爵安@Instagram
