MIRROR成員呂爵安（Edan）去年11月中考獲車牌，成功一take pass成為P牌仔，昨晚（8日）Edan於社交網透露購入新車，除了做廿四孝哥哥，更擔任妹妹「小如豬」的柴可夫。
Edan上載揸車的靚仔相，並寫道：「考車買車到拎車都比豬隊友輪流爆料，今次等我自爆我嘅靈魂旅伴先！之前唱住歌揸車，大家都讚揸得淡定到唔似馬路新手，實不相瞞，有時唔熟路都會緊張。聽兄弟講，車廂擺放香薰點綴，可以放鬆下心情。今次做小如豬司機，特登換咗紅色車用擴香器，我E個司機會唔會太體貼。」
不少網民大讚Edan世一，更指他好有錢：「揸車嘅男人仲要做妹妹司機嘅男人係世一」、「寶馬喎，有錢仔」、「係成功男士look呀」、「好想坐E 先生車」、「體貼到癲，哥哥天花板」。
相片來源：呂爵安@instagram
