無綫處境劇《愛‧回家之開心速遞》一班演員，今天（24日）以萬聖節打扮出席宣傳活動，呂慧儀日前因聲帶發炎而聲沙，她與兒子到主題樂園玩更一度失聲，靜到坐過山車及被扮鬼的工作人員嚇都嗌不出，要同行的湯盈盈為她任「代言人」。
對於與她傳緋聞的張景淳，近日搭巴士瞓覺被偷拍，有網民猜測張景淳是由呂慧儀的屯門住所出發，呂慧儀說：「佢都係住屯門，但唔算鄰居，有啲距離，覺得藝人好慘，有時好攰瞓着，但被影到又唔好睇，希望大家下次見到唔好影，或者搖醒佢先影，不過佢瞓覺個樣都幾『四正』，Keep得住形象，大家見到我瞓着就唔好影，我驚流口水keep唔到。」
圖片來源︰明報
