吳雨霏35歲生日與Cookies 成員再聚

吳雨霏（Kary）生日快樂！前Cookies成員區文詩（Angela）昨晚上傳佢同壽星女Kary，加埋鄧麗欣（Stephy）一齊幫Kary慶生，fans睇到呢張相除咗送上祝福，都話張相又見唔到楊愛瑾（Miki），直指佢哋道不同不相為謀。

吳雨霏同楊愛瑾傳不和多年，就算上個月佢哋都有去Cookies的好姊妹陳素瑩（Gloria）婚宴，坐埋同一張枱，都唔見任何Kary同Miki合照。對於呢啲傳聞，吳雨霏一向冇咩點理，開開心心過生日，留言：「又大一歲了！一早起牀就收到好多生日祝福，很感動，謝謝大家的愛。特別謝謝粉絲們一直沒有把我忘記，還常常說會等我出來唱歌，有你們的愛，我實在太幸福了，生日願望是希望大家都身體健康，LOVE YOU ALL」。