吳雨霏〈 Kary〉昨晚〈5日〉在IG上載了與老公和老爺、奶奶食晚飯的照片，她在帖文中特別感謝老爺、奶奶的幫忙。皆因她與老公在剛過去的暑假，帶了三個仔女到加拿大旅行，不過在飛前兩個禮拜，才得知同行的工人姐姐拿不到簽證，只好與老公頂硬上，兩公婆湊三仔女。
她在IG寫上：「暑假plan咗係溫哥華四個禮拜，本來工人姐姐可以一齊嚟，但臨走前兩個禮拜突然間攞唔到visa，最後我同老公頂硬上，就2打3去咗加拿大。雖然3個小朋友都非常聽話，但頭個幾日大家都要適應時差，還有一大堆家務要處理時，真係攰到一個點…」
幸好Kary有一對好好的老爺、奶奶，讓她與老公可以有休息放鬆的時間，她寫上︰「本應老爺喺加拿大先同我地會合，但當知道我哋需要幫助，二話不說就話同我哋一齊住。佢唔單止幫手照顧大嗰兩個，成日同佢哋玩遊戲，日日仲幫BB煮埋嘢食，等我同老公可以透下氣… 簡直係我哋嘅救星！深深體會到喺最徬徨的時候，家人永遠係最可靠…」她續說︰「為了答謝老爺，一定要一家人食餐好嘅！好難得可以同老爺奶奶double date ！」
相片來源：吳雨霏@Instagram