古天樂今日52歲生日，好友吳君如昨夜在ig限時動態，上載與方中信等，為古仔慶生。捧着鮮紅色玫瑰花造型蛋糕的君如，召喚壽星仔到鏡頭前嗌：「錫啖先！」二人隨即嘟嘴隔空錫錫，君如大笑後再加句：「Happy Birthday」；另一片段，君如再祝古仔「生日快樂，又一年啦，繼續追你嘅夢，做電影大亨！」古仔回君如說：「你都係！」
古仔今日亦在社交網發文，貼上一位10歲小影迷給他的手寫信，小影迷表示日前和家人入場觀看電影《明日戰記》，外婆看完後直言「古天樂，估唔到！」小影迷還訪問了家人想知古仔的問題，包括古仔是怎樣成為演員？說媽媽想跟古仔一齊飲茶，他就想參觀古仔的玩具珍藏等。
古仔在帖文留言：「祝我生日快樂」！他表示因為之前一些報道，令他提早收到很多祝福和問候，感恩大家關心他的健康，他亦藉自己生日，祝福大家都要身體健康，開開心心！
古仔又謂：「今日係我生日，我諗亦都係全年極少數，我會完全放低工作嘅一日；一如以往，都係平平淡淡咁喺屋企同家人食飯，然後一齊木口木面，好似愛登士家庭咁影返張全家幅，平淡是福。
「每年生日我都會為自己定下一個小小目標，不如今年生日，就定下盡量多啲寫嘢上嚟分享，又或者同大家喺Comments度傾下計（偈）呢？」
古仔更附註蘇小朋友給他的手寫信謂：「好開心喺繁忙嘅工作期間，同妳以及妳屋企人傾咗個短短嘅電話，令我可以暫時放鬆，記得要孝順父母同外婆呀！（同埋要支持阿仙奴）。」
