尹天照接受苑瓊丹主持的香港開電視節目《開工大吉77》訪問，重提當年片場「發脾氣」一事，尹天照解釋：「當年試過一次拍戲，剛剛先拍完第一Take，點知個助導走埋嚟第二稿、第三稿，我心諗我做比你！我將每一稿嘅優點溝埋演比你，但最終啲人都同你玩反面。其實呢啲嘢冇啱定錯，我冇後悔過。作為一個演員，如果冇火嗰角色唔會好睇，但係火得滯可能會影響其他人，點樣火點樣拿捏就要靠時間。」尹天照當年離開亞視向外闖，可惜老闆股票失利，令計劃觸礁，他說：「我返去sell林伯，佢都決定開拍，好在收視好好，拍完之後我就出去再闖搵食、返內地拍戲。決定離開都無話啱定錯，就當你鋪排得好好，依家又會點？依家間電視台都唔喺度啦。」他曾與其他電視台接洽，卻因制度欠缺自由度而放棄簽約。
篤信基督教的尹天照曾勸苑仔「信教」，自言因宗教而改變了性格，苑仔卻沒有「跟從」，她說：「我估佢最唔順超就係捉唔到我返教會，唔知佢仲有無恆心說服我呢？」
圖片來源：亞洲電視、影音使團