今日張進翹Ｍanson、陳蕾、岑樂怡及魏浚笙Jeffery齊齊現身銅鑼灣，宣傳品牌AIGLE；Ｍanson同Jeffery的粉絲帶同燈牌應援，二人見到粉絲咁有心，齊齊打親民牌，同粉絲傾偈，又玩下自拍咁，氹得大家不知幾開心。
Ｍanson係今年候選新人歌手之一，面對今年有MIRRIOR及MC張天賦等強勁對手，他說唔會比較，因為比較會好辛苦，反正大家風格不同，而且相比競爭，他着重成長多一些。
雖然入了娛樂圈，Ｍanson說自己都經常搭巴士四圍去，問他遇到粉絲點算？「都係搵我影相啫，好似遇到朋友傾一陣，佢哋唔會跟住我，問候完就散啦！」