無綫旅遊節目《同屋企人去旅行》今晚（11日）起播出林溥來（Patrick Sir）一家三口到廣州體驗親子遊。3人先到室內滑雪場，惟兒子Preemo不願換上滑雪裝爆喊，幸好Patrick Sir和太太關宛珊最終成功令兒子換衫，Preemo亦玩得非常開心！之後他們到荔灣湖公園，坐住艇仔品嘗艇仔粥，再到靜山湖的生態園區看小動物。最後一站去到著名打卡熱點豎德生活館，關宛珊被書店掛着的金句「我無限熱愛新的一天」及「我願意在此，看你長大」觸動，她哽咽地說︰「Preemo每日都喺度變緊，每日都有新嘅嘢俾到我哋，好唔捨得佢咁快咁大個。」
至於明晚播出一集，林家三口會去到盈香生態園遊玩，挑戰全景玻璃橋。Preemo雖然人仔細細，卻非常大膽，除了趴在玻璃上看風景，興奮地拔足狂奔，嚇到關宛珊面青。
之後還會到肇慶學包裹蒸糭，又到七星岩游湖及品嘗美食。關宛珊投訴丈夫沒正式送過花︰「其實送過一次俾我嘅，嗰次做舞台劇，以為得我有啦，但原來每人都有一枝，我以為自己嗰個會特別啲，點知都唔係，全部人都一樣！」Patrick Sir即時在褲袋變出一枝花送給老婆，之後更在酒店大堂送上親手製作的驚喜，豈料關宛珊回敬了更大的驚喜，兩公婆相擁而泣。
