叠影狙擊｜娜姐首集大曬冷　喊戲壓力大生人勿近

第一集即嚟周秀娜VS周秀娜。

周秀娜主演的無綫台慶劇《叠影狙擊》昨晚（6日）首播，娜姐已曬冷先後迎戰職業殺手及神秘狙擊手，無論是凌空起飛腳或是槍戰場口均表現俐落，當中更不乏埋身肉搏及槍戰戲。除了動作場口，娜還要一口氣應付三場喊戲，分別是發現妹妹屍體、與上司爭辯應否查案，及在方力申面前憶述對亡妹的悔疚，獲網民肯定演技的同時，更被指是實力派，及點讚她又靚又打得！

+4

娜姐受訪時笑指首集打鬥場面未算最難，關鍵原因竟然是高踭鞋，娜姐說：「第一集因為我仲未正式扮梁曦，唔使著高踭鞋拍打戲，所以順利啲！」談到首集有多個落淚場口，她透露最深印象是與方力申在家中的喊戲：「劇情講我知道妹妹走咗好內疚，嗰場戲係幾大壓力，因為要好集中去諗同妹妹嘅回憶片段去幫助培養情緒，所以嗰幾場戲（喊戲）我都生人勿近，唔會同身邊啲人講笑，而嗰日係拍得最攰同最痛！」

呢場戲娜姐話拍得好辛苦架其實。