鄭裕玲（Do姐）主持的HOY TV旅遊節目《去邊啊Do姐》，魏浚笙（Jeffrey）今晚（6日）播出的第三集登場。與Do姐遊日的Jeffrey反客為主，似主持多過嘉賓，介紹景點無停口，Do姐罕有被搶對白，但都任由Jeffrey發揮，果然「靚仔大晒」。
導遊Jeffrey帶Do姐到澀谷區鍋島松濤公園，參觀由著名建築師隈研吾設計的「森之小徑公廁」，又齊齊估廁所門口的公仔標示意思。
二人出發尋找富士山，Do姐擔心天氣差見不到富士山，Jeffrey又講經，指第一次就望到富士山「一啲都唔吸引」、「最緊要係若隱若現嘅感覺」。Do姐帶Jeffrey到餐廳試飲富士山水釀製的日本啤酒，有朱古力、辣椒等味道，Jeffrey自認酒量淺，滴酒不沾，Do姐一個人試5款啤酒，認真飲得。
去到河口湖，Do姐選擇了一間森林酒店與Jeffrey去Glamping。Jeffrey的確做足功課，與Do姐食早餐時竟然一口氣由餐包、咖啡、醬汁到生果都記熟稿逐一介紹。
知道天氣差見不到富士山，Jeffrey就話贈Do姐兩句：「見山是山、見山不是山、見山仍是山」，見山是山意思是「你見到個山，其實可能佢唔係一個山，你都以為佢係一個山」，Do姐雖然不太同意Jeffrey的解釋，但見到Jeffrey用心講經，都笑不停口。難怪Do姐與Jeffrey去完旅行後表示「你以為佢係偶像派，但佢係哲學家實力派」。