近日忙於拍攝新戲《死屍死時四十四》的Mirror成員呂爵安，戲裏以中分鬈髮造型示人。昨天（24日），Edan收起鬈髮造型在社交平臺上載了與家英哥（羅家英）拍攝新MV的合照，粉絲們看來可以好快看見偶像的新作品了。
Edan與家英哥早在2019年因拍攝《臺灣文西Only You》而結緣，Edan說家英哥超級友善和玩得，更提及自己經常在節目中「冇大冇細」，而家英哥沒有介意之餘，關係就像朋友一樣，什麼都玩一餐，勁開心。
當中更要提及的是2019年，Edan還是一個剛出道的新人時，《臺灣文西Only You》節目播放後，出現了打格仔事件，被臺灣傳媒誤解Edan是家英哥的粉絲並在圖片中打上馬賽克，寫上「心情不錯的羅家英，也親民地跟粉絲合照」，場面十分搞笑。
Edan感激家英哥參與新MV拍攝，更揚言希望有機會可以再與家英哥出外拍節目，他在社交網寫道: 「同家英哥係點樣認識㗎呢？其實係喺2019年（嘩原來都3年前）有幸同家英哥去臺灣拍一個綜藝節目叫《臺灣文西Only You》而認識的，嗰個trip真係好難忘㗎（包括被打格仔事件），寓工作於娛樂，得閒考古同大家分享吓啲片段，而家英哥真係超級nice同玩得！！我成日冇大冇細佢又唔介意，同我嘅關係就好似朋友咁，乜都玩一餐，勁開心，嗰次之後我哋都冇機會再合作，但令我哋保持聯絡嘅嘢就係《長輩圖》！家英哥周不時就會sd長輩圖俾我同我講早晨，真係勁cute，所以今次MV可以搵家英哥參與真係好happy，仲要二話不說就應承，真係好感激，希望有機會可以再同家英哥出trip拍節目！」Edan現在為人氣團隊Mirror成員之一，卻重情沒有忘記家英哥，沒有因為工作忙碌而忘記他，相信家英哥必定很感動！
相片來源:呂爵安Edan @Instagram