李駿傑(Jeremy）＠MIRROR的第3首派台歌《阿波羅》今日推出，不過MV就未拍，因為他把已度好的拍攝橋段推翻，重新構思，Jeremy說：「我想呈現更加好嘅畫面俾大家見到，所以就突然改變咗方向，需要更加多嘅時間做前期準備功夫，希望大家繼續期待。我好想同大家一齊見證一個更加符合呢首歌嘅MV，希望MV出街嗰日可以Surprise到大家啦！」
今次Jeremy本來想自己創作，但覺得未夠班，所以找來吳林峰幫手一齊寫歌，「好感謝吳林峰幫手，佢都話用咗差不多一個月去作呢首歌。佢都係為呢首歌好，用咗好多精力，去到而家可以俾大家聽，我內心都好感謝佢。」其實促成今次Jeremy首次處男創作，還多得王雙駿( Carl)，Jeremy說：「同Carl叔講想作歌時，佢都好支持我，得到Carl叔允許後就更加有信心去做《阿波羅》。」
在經歷過《半》了解自己不同面向，以及《九》選擇過後的後果，今次新歌《阿波羅》大談經歷過後的成長。Jeremy分享創作經過，「第3首歌想Keep住今年前兩首歌所講嘅光明與黑暗嘅對立，腦內突然想到光明之神阿波羅，然後睇資料發現，原來光明之神都做過啲好黑暗、好殘忍嘅事情，但最後因為呢啲經歷，令佢多咗唔同嘅營養，知道自己點樣成為光明之神，呢個故事啟發咗我寫呢首歌。」