楊洛婷（Rabee’a）一四年與樂隊Dear Jane主音Tim（黃天翱）結婚，二人育有三歲女兒Tanya（黃子霏），Rabee’a上個月23日在養和醫院順產誕下第二胎，成功湊夠一個「好」字。Rabee’a今日在社交網發表示出生兩周的細仔Tristan突然發燒，讓她十分擔憂。
Rabee’a貼出在醫院伴首囝囝的照片，相中見Tristan躺在嬰兒氧氣箱，露出憂心忡忡的神情，她寫道：「好多朋友問我坐月係咪坐得好開心，其實我係好擔心。噚日Tristan 無端端發燒，我即時帶佢入急症室，醫生話我哋要留院做測試同種菌，睇住我兩星期大嘅BB被抽血、抽脊水，插尿道管放尿，好心痛，雖然我應該喺屋企坐月，但係而家我哋兩個就要乖乖地住喺醫院一星期等報告；同一時間Tanya又開始發燒，真係好難過呀，不過我會繼續保持樂觀嘅態度，希望兩個都快啲好返，Tristan 同我可以快啲返屋企。」
圖片來源：楊洛婷@Instagram