薛家燕為廚具品牌擔任代言人，元宵佳節舉行簽約儀式。談到牛年大旺，李居明更指家燕姐今年紅鸞星動，新抱有喜，現在她最希望女兒早日找到如意郎君，開枝散葉，「希望兩個女快啲拍拖！今年我會接少啲嘢做，因為要湊孫嘛！咁珊珊又無咁忙，可以多啲時間去拍拖。」 今日元宵佳節，家燕姐透露會同男友隔空談情慶祝，她已準備了湯圓，「我同佢隔住個『芒』一齊食，雖然係隔住個『芒』食，但我陪住佢食，湯圓都特別甜呀！」