梁詠琪(GiGi) 出名愛動物，日前她與歌手黃劍文跟隨動物義工們到訪大樹下善待動物庇護站做義工，她於社交平台分享與貓狗玩樂的影片，原本當日她打算為動物沖涼，可惜最終落空，她寫道：「昨日本來以為會同佢地沖涼，全副裝備水鞋雨衣齊備，原來山水太冰涼，還未到適合溫度洗澡，怕狗狗容易生病，過多兩星期到時天時和暖些，一定會再來同狗狗洗白白！」雖然未能為動物洗白白，但Gigi一見到牠們即愛不釋手，與貓狗玩得好開心，「同貓貓一齊長大嘅Sakura有着狗狗嘅熱情，和貓貓嘅溫柔, 好好好可愛！花花係貓舍嘅number one PR，我唔忍心放低佢直到我雙腳麻痹，我才捨得放低佢換個pose繼續抱抱！」