Advertisement

做「吃播」得人生第一個獎 細細粒投資百萬開海味舖

本地
2022.09.30
撰文:劉家倫

陳嘉佳(細細粒)正式跟無綫完約,《痞子殿下》是她最後一套TVB劇,近年在內地做直播帶貨和吃播,短短兩年,細細粒已闖出名堂,帶貨營業額以百萬起跳。
本月初,細細粒在廣州開設一間海味舖,榮陞老闆娘,更運用她直播的影響力營銷,實行肥水不流別人田。

細細粒近年成功開拓內地市場,轉型做網上吃播,每晚都吸引逾一萬人睇直播,大受內地網民歡迎,在抖音更坐擁超過一百一十萬粉絲。
留在內地已經兩年的細細粒,八月回港只能逗留一星期,「要陪吓媽咪,同埋好掛住香港嘅嘢食。」眼見食品直播在內地市場龐大,加上本身愛吃,細細粒半年前已經籌備開舖,第一次開舖選擇做海味,細細粒接受《明周》訪問解釋:「因為我一向都對海味好有研究,又經常買海味煲湯,平時做直播死好多細胞,要買參茸海味補吓,對自己好啲,現在自己做埋,所以對揀貨都有要求,一定會揀啲最靚嘅貨先入。」

《痞子殿下》是細細粒最後一套無綫劇
《痞子殿下》是細細粒最後一套無綫劇

細細粒的海味舖本月初開將,身穿旗袍的細細粒戴上珍珠頸鏈同耳環,打扮相當有貴氣,更請來舞獅表演助興,現場非常熱鬧,榮陞老闆娘的細細粒為舞獅點睛,最後再進行剪綵儀式,全程笑到見牙唔見眼,細細粒說︰「因為第一次做生意,由籌備、搵舖、設計舖頭用了半年時間,投資大約七位數字啦,希望可以累積經驗,又可以令直播生意兩邊增加。」
日前細細粒請了王祖藍、苑瓊丹和鄺文珣為海味舖進行首場直播,當日吸引一百二十萬人觀看,銷售總額更破522萬人民幣(約575萬港元),王祖藍曾透露細細粒賣大閘蟹一場大賣三百五十萬,牛扒更大賣五百萬,細細粒做直播戰績彪炳。

將到大閘蟹季節,細細粒預計直播要吃四百隻。
將到大閘蟹季節,細細粒預計直播要吃四百隻。

做吃播要看準時機和季節,踏入大閘蟹季節,細細粒預計要吃四百隻大閘蟹,「這兩個月主力賣大閘蟹,我會親自去陽澄湖,因為可以揀到又靚又抵食嘅價錢,不單止要吃,亦要教人點煮和試味,所以我預計要吃四百隻大閘蟹,放心,我會注意健康的。」細細粒表示自己接job會先了解食品質素,「所有貨品都會親自嚴選,例如直播賣嘅貨,我都會試過,起碼要過自己關先。」
正式跟無綫完約,《痞子殿下》是細細粒最後一套TVB劇,「之後都會做直播為主,有些綜藝都傾緊,暫時都會主力在內地。」雖然在無綫未有得過任何獎項,但直播帶貨的細細粒,今年得到人生第一個獎項,「抖音其實有個排行榜好透明的,每日賣到幾多數字大家都會見到,我今次只不過是新鮮行業類別銷量獎,希望可以拎到其他例如化妝品類別啦。」

約滿無綫正式離巢,細細粒做吃播賺到盤滿缽滿,更得到人生第一個獎。
約滿無綫正式離巢,細細粒做吃播賺到盤滿缽滿,更得到人生第一個獎。
MIRROR 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹