何雁詩自2009年參加《超級巨聲》後，同無綫電視已經合作咗12年，佢噚日喺IG post喺TVB門外嘅相，宣布離開無綫。
何雁詩留言表示估唔到自己人生第一份工，一做就做咗12年。由中學畢業到結婚，佢都係喺TVB渡過，而所有關於娛樂圈嘅知識，幾乎都係喺TVB學習返嚟。至於點解會離巢，佢就話因為有好多地方同事，自己都未見識過亦需要去學習，所以係時候跳出comfort zone，去出面嘅世界學習一下，開人生同事業嘅新一頁。
何雁詩最後話一定要多謝樂易玲、經理人以及TVB嘅一眾同事，一直以來對佢嘅照顧、包容同理解，多謝大家俾佢嘅所有回憶，將來喺江湖再見！
圖片來源：何雁詩@Instagram