由王賢誌（Vinci）監製及主持的J2綜藝節目《仔仔一堂》，以「絕不歧視愛情」為中心思想，找來十名外型、學歷及事業等條件不俗的仔仔參與拍攝，包括「型男混合體」Andrew、「187花美男」Carson、「可愛兜風耳」HoHo、「陽光男孩」Juzco、「嫰版王浩信」Louis、「Young版尊龍」Ray、「純愛莫少聰」Nelbon、「害羞台男」Kevin、「型男主廚」Kenny及「柔情版香取慎吾」Howard。
前晚（8日）及昨晚大打「感人牌」，一眾仔仔先後發表愛情觀，更按主理人Vinci要求向有機會作進一步發展的對象錄製示好留言。令人意外的是，顏值與身形、學歷各方面條件近乎完美的Andrew，原來愛情觀甚為悲觀，更因為在十年內甩過六次拖而對愛情，對自己失去信心：「我每次拍拖都會以為對方係the one。有時（拍拖）都會唔comfortable嘅，一來自信唔夠高，第二我可能好驚俾人cheating，又或者覺得對方遲啲會唔鍾意我啦。總之我覺得每過一個關係，我嘅自信就會愈嚟愈低。」
眼見Andrew愛情觀偏向悲觀，節目氣氛製造者之一的Carson即變得正經兼送上安慰：「分手係令你更清晰咩人同你行得長，愛情唔需要完全遷就，亦唔需要特登去追，會一齊嘅就會自然喺埋一齊。過往嘅（分手）經驗會話俾你知你應該要啲咩，而唔係純粹啲人唔啱你或者你唔啱佢。」Carson的成熟獨到見解，贏得全場掌聲！
昨晚的「示好留言」環節相當緊張，由於每位仔仔只有一次留言機會，眾人對於誰是接收對象均表現得難以定斷，當中表現未夠突出的仔仔，更會「食白果」無人示好，相當慘情。未知是否與成熟愛情觀有關，在「示好留言」環節中，Carson竟意外擊敗「人氣王」Louis、與Andrew分別獲得三個「示好留言」成大贏家。直至目前為止，Andrew與Louis及Carson關係份外友好，所以當Louis及Carson先後向Andrew示好後，Andrew的心水選擇成為關鍵所在，下周一便會有終極答案。
第八及第九集的另一焦點，則發生在Louis的罕見意外上！事緣Louis與HoHo玩「長命滑梯」，竟在出發時遭滑梯上的裝飾意外割傷眼皮，更非常接近眼球位置，HoHo為此大感自責，更聲淚俱下表示：「最後我係好guilty嘅，因為佢整傷咗。嗰刻自我審查人格出咗嚟：『唉呀，點解呢件事會發生㗎？』我真係劏豬櫈嚟。」HoHo以坦白見稱，之後在「示好留言」環節，更因真摯言辭搞喊Louis。
