現年54歲，人稱「Gary哥哥」的譚偉權接受雷霆881商業一台《星光背後》專訪，分享他再次離開無綫回復自由身的感受，以及演藝路上努力追夢，以正面心態面對人生高低的經歷。
Gary哥哥出道32年，曾主持兒童節目《閃電傳真機》，唱過不少深入民心的經典兒歌，入行多年亦在不少無綫劇集中演出，包括剛熱播完的劇集《隱門》，同時主演過大大小小的舞台劇。
Gary哥哥因為不甘心被定型而決心離巢發展，他說：「我會預視到自己將來嘅路怎樣走，我都咁上下年紀都仲俾人話我童顏！」他記得以前讀書時期在演藝學院以及話劇團期間，也是因為童顏而經常被指派做『𡃁仔』角色，最後亦因為不甘心被定型而離開。他對於被問到離巢是否代表放棄當年的男一夢，坦言感到有點心淡，「但我又覺得呢個世界係圓嘅，王心慰監製都好錫我，佢都話如果日後有咩角色啱玩都會搵我返去做。」他表示參與舞台劇《我們的青春日誌》也是決定離巢的其中一個原因，希望全心投入舞台劇，「因為我答應參與舞台劇在先！」他覺得繼續接劇會很大機會與劇組撞時間，加上舞台劇的角色沒有替代演員，更加不可能辭演。
Gary哥哥同屆演藝同學包括李婉華、劉玉翠、陳錦鴻等，他透露畢業後曾獲寶麗金斟洽出碟兼獲所有電視台招手，但最後聽從老師意見加入香港話劇團，若然有機會回到當年，不會再重複舊路，「我會真係進入娛樂圈打滾！趁後生要燃燒下先！因為事實證明咗，你做幾年職業劇團再入娛樂圈係唔得嘅。」直到94年有份演出舞台劇及電影《我和春天有個約會》後，他才選擇加入了無綫，「嗰陣就覺得機會嚟啦！有人向我招手，所以我就去啦，點知原來一入到去係做兒童節目。」當年是因為監製覺得適合而被邀參與兒童節目，而他亦只好無奈接受：「嗰陣公司游說我以前好多前輩好似周星馳、梁朝偉都係兒童組出身，所以話我兒童組呢條路就啱㗎啦！之後發現原來入咗兒童組係唔可以接劇，梗有少少唔開心啦。」
Gary哥哥在演藝路上雖然未見一帆風順，但在人生路上則大不同，因為在兒童節目結識太太顏菁葦是他人生最大得着，太太在他首次離開無綫時亦給予很大支持：「佢好Support我，因為佢都曾經係呢個圈子嘅人。但係好搞笑㗎！佢曾經問過我點解唔早啲第二次回巢，隨時個地位同成績已經唔同咗，咁就得咗㗎啦！」談到未來目標，Gary哥哥希望目前專注音樂劇，盼望更多人認識自己的演出，將來有否機會拍劇則隨緣。
