Advertisement

下流上車族|郭柏妍羅毓儀女僕Look好吸睛 林敏驄為處男劇主題曲作曲填詞

本地
2022.10.05
撰文:Rita
阿驄爆喊晒演技,劇中老婆江美儀攬攬呵番。
阿驄爆喊曬演技,劇中老婆江美儀攬攬呵番。

林敏驄主演的新劇《下流上車族》,將緊接《夢華錄》於本月17日開播,出名搞笑的阿驄將聯同飾演其太太的江美儀,與兩位女兒郭柏妍、羅毓儀演盡港人上車悲歌,劇中更有好戲之人金像獎影后鮑起靜坐鎮。

江美儀做阿媽,仲有郭柏妍(右) 同羅毓儀(左)兩個咁大嘅女。
江美儀做阿媽,仲有郭柏妍(右) 同羅毓儀(左)兩個咁大嘅女。

無綫官方日前釋出兩條宣傳預告片,首條預告片的主角為飾演車志明的阿驄,只見阿驄一改平時無厘正經本色,語重心長地道出港人上車悲歌:「人與人之間最遠嘅距離係咩?就係你睇到嘅靚樓,你買唔到、住唔起呀!」親情及人情味亦是這劇賣點之一,宣傳片中一度出現阿驄爆喊鏡頭,並大拋感性押韻Bite謂:「間屋企幾細唔係問題,最緊要一家人喺埋一齊!」

林敏驄處男拍劇。
林敏驄處男拍劇。

至於第二條宣傳片,阿驄開首一句「落錯車14年,我無時無刻都諗住買番間屋」,片中「車家」為了上番車各出其謀,阿驄到果欄搬貨賺錢、郭柏妍化身地產妹踩滑板派傳單等,當中最吸睛要數到郭柏妍與羅毓儀齊齊以女僕Look上陣到Cafe打工,造型可愛。在宣傳片中,更見羅毓儀一個女仔瞓天橋底,引來一班流浪漢圍觀,畫面喜感十足。

郭柏妍同羅毓儀嘅女僕Look好吸睛。
郭柏妍同羅毓儀嘅女僕Look好吸睛。

其實阿驄為了「處男劇」出心又出力,親自為劇集主題曲《一家人》作曲填詞,更邀請了《聲夢傳奇》第一季畢業生文凱婷(Aeren)合唱。阿驄早前在社交網上載錄音Making of,Aeren對着驄哥竟緊張到不停搣手指;阿驄則笑指自己差啲寫唔切隻歌:「到咗最後嗰日,我又有番少少靈感作到頭嗰幾句,咁咪作埋佢啦。呢個貫徹到我創作風格,就係你俾一年我,我都係最後嗰一日先做。」

林敏驄仲邀請埋Aeren合唱。
林敏驄仲邀請埋Aeren合唱。

阿驄又大讚Aeren完全符合他想要的感覺,並叫監製要找Aeren一起拍劇。Aeren則指今次與前輩合作令她獲益良多:「以前都係一班人錄,今次感覺好唔同。」據知這劇插曲及片尾曲亦由阿驄親自操刀。

星級企業大獎2020 聲夢傳奇 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹