林敏驄主演的新劇《下流上車族》，將緊接《夢華錄》於本月17日開播，出名搞笑的阿驄將聯同飾演其太太的江美儀，與兩位女兒郭柏妍、羅毓儀演盡港人上車悲歌，劇中更有好戲之人金像獎影后鮑起靜坐鎮。
無綫官方日前釋出兩條宣傳預告片，首條預告片的主角為飾演車志明的阿驄，只見阿驄一改平時無厘正經本色，語重心長地道出港人上車悲歌：「人與人之間最遠嘅距離係咩？就係你睇到嘅靚樓，你買唔到、住唔起呀！」親情及人情味亦是這劇賣點之一，宣傳片中一度出現阿驄爆喊鏡頭，並大拋感性押韻Bite謂：「間屋企幾細唔係問題，最緊要一家人喺埋一齊！」
至於第二條宣傳片，阿驄開首一句「落錯車14年，我無時無刻都諗住買番間屋」，片中「車家」為了上番車各出其謀，阿驄到果欄搬貨賺錢、郭柏妍化身地產妹踩滑板派傳單等，當中最吸睛要數到郭柏妍與羅毓儀齊齊以女僕Look上陣到Cafe打工，造型可愛。在宣傳片中，更見羅毓儀一個女仔瞓天橋底，引來一班流浪漢圍觀，畫面喜感十足。
其實阿驄為了「處男劇」出心又出力，親自為劇集主題曲《一家人》作曲填詞，更邀請了《聲夢傳奇》第一季畢業生文凱婷（Aeren）合唱。阿驄早前在社交網上載錄音Making of，Aeren對着驄哥竟緊張到不停搣手指；阿驄則笑指自己差啲寫唔切隻歌：「到咗最後嗰日，我又有番少少靈感作到頭嗰幾句，咁咪作埋佢啦。呢個貫徹到我創作風格，就係你俾一年我，我都係最後嗰一日先做。」
阿驄又大讚Aeren完全符合他想要的感覺，並叫監製要找Aeren一起拍劇。Aeren則指今次與前輩合作令她獲益良多：「以前都係一班人錄，今次感覺好唔同。」據知這劇插曲及片尾曲亦由阿驄親自操刀。
