江美儀預告在昨晚播出的無綫劇集《下流上車族》，放低招牌黑絲，改以胸圍Look上陣大曬美好身段，獲網友大讚Fit爆兼保養得宜。
昨晚的一集還有林敏驄飾演的車志明，與「哎吔阿媽」鮑起靜飾演的毓霞大賣溫情，因兒子移民與遺失愛犬的毓霞，在失去寄托下患上抑鬱突然失蹤，志明最終在毓霞以前工作的小食店找回對方。
這對哎吔母子之後邊食車仔麵邊訴心中情，志明指看見毓霞即想起當年自己媽媽也患有老年抑鬱症：「成日粒聲唔出，咩都噏晒喺心度，冇病噏到有病，有病噏到大病，我嗰時以為老人家都係咁，點知其實唔係，原來呢啲係有得醫，仲好易醫，只要屋企人同佢傾多啲偈，俾多啲關心，病情就好咗一半。」志明哽咽續指：「一個做仔嘅，連同老人家講幾句嘢時間都冇，搵到幾多錢、幾叻都冇用，子欲養而親不在…每日小小疏忽，好易變成一生嘅自責。」