Advertisement

一舞傾城|袁潔儀被一句對白勾起往事即淚崩 陳星妤周旋兩大靚仔超開心

本地
2023.05.20

whatsapp-image-2023-05-20-at-16-46-15-2

TVB新劇《一舞傾城》昨晚(19日)的劇情講到「萬國城最後一個處女」KK(陳星妤)獲一位城中富豪睇中,被出價800萬陪一個星期,魚旦媽(莊鍶敏飾)為賺取80萬仲介費遂向KK媽(袁潔儀飾)埋手。曾做舞小姐的KK媽為了錢竟遊說阿女賣身,兩母女因此大吵一場,KK媽更怒摑了阿女一巴,KK哭訴:「由細到大你冇打過我,你竟然為咗錢打我?」KK媽對於一時失控亦感內疚並哭着說:「我都唔想㗎,我窮咗好耐……我真係好驚,唔想好似以前咁窮呀……」KK之後打電話警告魚旦媽不要多管閒事,豈料反而獲悉與其漸生情愫的Marco(關楚耀飾)秘密,KK大受打擊並埋下其賣身伏筆……

袁潔儀談到這場戲,坦言起初亦接受不了KK媽的角色設定,她說:「收到劇本時我接受唔到佢叫個親生女去陪客,之後同編審、監製傾偈開會,編審同我講咗句『向現實低頭』。聽到呢句說話之後,我覺得當一個人真係衰到貼地嘅時候,都要向現實低頭,演嘅時候就係記住呢句說話去突破心理關口,但個心都係非常非常之難過。今次個角色遇到個衰佬(王俊棠),又要俾佢打又要幫佢還債,令到生活變得好困難,希望大家明白呢個角色點解要咁做。」

她演繹的喊戲發揮得淋漓盡致,皆因對「我窮咗好耐喇」這句對白有很深感受,「因為我都試過窮咗好耐,一講到呢句個情緒就飆咗出嚟。」她又直言KK媽這個角色又愛又恨:「呢個角色令我可以用另一個層面去感受到另一個處境嘅人諗緊咩,提醒番現實中嘅自己其實都好幸福,雖然自己都窮過,但係捱吓捱吓都可以跨過到難關。」袁潔儀覺得今次角色相當有挑戰性,因為十場戲中更差不多有九場是喊戲。

星妤則透露掌摑戲一Take過搞掂,她說:「拍攝前都有試咗兩、三次戲,到正式拍攝情緒到咗就一Take過,太多Take反而會影響到效果,同埋我叫潔儀姐真係摑落嚟,最緊要出到個效果。」

講到劇中周旋於兩位靚仔關楚耀及高鈞賢之間,她笑言:「高鈞賢就特別暖男啲,好多時都會問我有冇咩幫到手,關楚耀就拍得多愛情片,分享咗好多經驗同好帶到我入戲,可以同兩位被公認嘅靚仔合作,我都好開心。」

MIRROR 星級企業大獎2020 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹