何啟華（Dee哥）
噚日係人氣組合ERROR成員何啟華（Dee哥）31歲生日，Dee哥喺ViuTV 節目《ERROR自肥企画》贏得一噸啤酒嘅絕望合照可以話係佢嘅icon。所以Dee哥粉絲「羊群」都好有心思，噚日以Dee哥生日名義捐咗個「貓罐頭金字塔」俾慈善機構為生日應援。
「香港群貓會」噚日喺Facebook upload咗一連串「羊群」捐贈嘅物資相，感謝「羊群」。相中可以見到由貓罐頭堆起嘅一座貓罐頭金字塔，羊群仲寫咗張心意卡感激群貓會為毛孩不遺餘力，同時亦感謝義工無私嘅付出，又祝願毛孩們健健康康，早日找到好歸宿。
香港群貓會
群貓會留言表示以前只有聖誕新年節日，群貓先有得加餸。但今年開始，突然多咗好多個重要日子要慶祝。原來上星期Mirror 成員Frankie生日，佢嘅粉絲都有送貓罐頭俾協會，稱將祝福歡樂與貓分享，「沒有什麼禮物，比這樣的更有意思」。
群貓會又表示咁啱最近收到4隻流浪貓曳到不得了，可以話係宇宙最曳，所以決定以宇宙天團ERROR嘅成員名命名。
圖片來源：香港群貓會、何啟華＠Facebook、Instagram
