MIRROR成員盧瀚霆（Anson Lo）22日推出今年第3首個人單曲《Megahit》，Anson Lo新歌MV大打人情牌，邀得鄭欣宜、鄭中基、ERROR成員阿Dee（何啟華）和麗英等客串，MV上架不足兩日已YouTube點擊率已突破85萬，更成為音樂發燒影片排行第一位。
Anson Lo昨日在IG撰寫千字文感謝《Megahit》製作團隊，他透露選擇此曲得原因，「好記得第一次聽哩首歌嘅demo version時，我腦海裏面岀現咗『派對』、『開心』兩個term。同時間有另外一隻demo都好有party feel，但始終都係畀哩一隻句”Uh-oh Uh-oh Uh-oh”吸引咗，所以最後就揀咗呢首。」
他感謝 Wyman參與今次填詞，「同Wyman傾過幾次哩首歌嘅架構同主題，好感激Wyman你對我嘅耐性同『心軟』，可以keep返”Uh-oh Uh-oh Uh-oh”、”Boom Boom Boom”、”Bang Bang Bang” 幾句歌詞。（問你可唔可以keep哩幾句嗰陣其實好心虛，因為覺得原因係『想排舞排得有趣啲』好似有啲過份），感謝你遷就我而創作咗呢一個關於人與人之間嘅衝突同溝通嘅主題。每次我對份歌詞有疑惑，你都好有耐性同我逐一拆解。好享受每次同你嘅溝通，多謝你！」
Anson Lo又感謝花姐一起想故事大綱。「MV裏面每一個情節都係我地亂打亂撞、亂講出嚟，但又要同『碰撞、衝突之下可能有新結果』有關，所以都諗到好頭痕。點知講講吓，愈講愈大，好多位又好似幾通，就confirm咗成個plot～ 但最繁複嘅步驟就係，要逐句逐句度好，每一句歌詞嘅shot係拍緊咩，確保有足夠秒數去表達劇情，淨係咁都度咗幾個鐘，辛苦團隊一齊坐咗幾個鐘去confirm成件事。」
最後Anson Lo還多謝神徒。「喺準備呢隻MV嘅過程之中，每次我同你地分享我有煩惱同埋遇到挫折嘅時候，你哋都留言、story叫我努力支持我。記得阿水問我巨星車牌想係咩，我答『AL7795』，因為好想紀念今年生日，你哋為我帶嚟嘅喜悅同支持。多謝每一位神徒。」
圖片來源： Anson Lo@Instagram
