新版《倚天屠龍記》最近喺內地熱播，引起唔少網民再度重溫金庸筆下嘅經典劇作。而1997年版《天龍八部》嘅一眾演員，早前獲邀出席內地綜藝節目《王牌對王牌》，劇中主角黃日華、陳浩民、樊少皇、李若彤、李國麟、劉玉翠、潘志文、李鴻傑以及何美鈿等相隔22年重聚，此情此景實在難得。
節目未播出已令人觀眾相當期待，飾演「鍾靈」嘅何美鈿，則喺微博分享當年《天龍八部》嘅絕密劇照，並留言：「這些照片你絕對沒見過！在本周《王牌對王牌》播出前先讓大家在回憶殺裡一殺！」貼出與黃日華、陳浩民、李若彤、李國麟和樊少皇等珍貴合照。
何美鈿當年飾演嘅角色形象可愛，深得觀眾喜愛，而私底下佢亦常獲其他演員關照，與眾人建立深厚嘅友誼。
現於內地發展何美鈿表示感激節目，令佢可以見返咁多位老朋友：「讓我們《天龍八部》大團圓。」
圖片來源：何美鈿@微博